La Esperanto-movado neniam estis vere neŭtrala. Certe ne ĝi iam neŭtralis sur la kampo de la lingvopolitiko. Pli kaj pli lastatempe la Esperanto-komunumo konscias pri la forto de sia interna ideo: Ke ni ĉiuj estas homoj. Unue homoj, ne unue nacianoj. Por tiu celo Esperanto praktikas "interkomprenon je okulnivelo", inter homoj plej diversnaciaj.

Fondiĝis ĵus Esperanta Retparlamento. Ĝi estas iniciativo por enketi opiniojn de esperantoparolantoj.

Laŭ modelo de la Germana Retparlamento, ĝi uzas en Facebook la funkcion „Aranĝoj“ por voĉdono:

Se oni „aliĝas“ al la „aranĝo“, tio signifas, ke oni subtenas la proponon; se oni „ne partoprenas“, oni malakceptas ĝin. Sindetenoj eblas per la respondo „eble“. La voĉdonoj estas malfermaj; oni vidas ĉies voĉojn per la listoj de la "partoprenantoj" kaj "nepartoprenantoj".

Vi trovos la Esperantan Retparlamenton sub http://www.facebook.com/home.php?sk=group_246438805373254